ცსკა-ს მთავარმა მწვრთნელმა, ლეონიდ სლუცკიმ ჩემპიონთა ლიგის მერვედფინალის კენჭისყრის შედეგებზე ისაუბრა, რომლის მიხედვით რუსული კლუბი მადრიდის "რეალს" დაუპირისპირდება."კენჭისყრა გაიმართა და მატჩების ჩატარება ტოპ-კლუბთან მოგვიწევს. პირადად მე კი ისევ მომიწევს მოურინიოსთან შეხვედრა.
რა თქმა უნდა, მადრიდელების წინააღმდეგ გაგვიჭირდება, მაგრამ თუ "ბარსელონას" წინააღმდეგ თამაში არარეალურია, "რეალთან" კიდევ შეიძლება.
შეხვედრები ძალიან საინტერესო და პრესტიჟული იქნება, როგორც კლუბისთვის, ისე ფეხბურთელებისთვისაც. ყოველდღე არ ეთამაშები მსოფლიოში ერთ-ერთ ყველაზე ძლიერ გუნდს", - განაცხადა სლუცკიმ.
