კახი კალაძე სამართლიანობის მხარეს დადგა, - ამგვარად შეაფასა საქართველოს საფეხბურთო ნაკრების ყოფილმა ფეხბურთელმა მიხეილ ყაველაშვილმა კახი კალაძის გადაწყვეტილება, საქართველოს ნაკრების დატოვების შესახებ."კახის პოზიცია დიდი ხანია ვიცით და მგონი, საზოგადოებისთვის უცხო არ უნდა იყოს ჩემი და ჩემი მეგობრების პოზიცია. უკვე წლებია, ამ უსამართლობას შეძლებისდაგვარად ვუპირისპირდებოდით როგორც ფედერაციაში, ისე ქვეყანაში.
კახიმ გამონახა საკუთარ თავში ძალა, დაიცვას თავისი პრინციპები, სამართლიანობის მხარეს დადგა და ეს მისასალმებელია", - განუცხადა ყაველაშვილმა "ინტერპრესნიუსს".
მისივე თქმით, პროფესიული თვალსაზრისით, კალაძის მსგავსი ფეხბურთელის მიერ ნაკრების დატოვება სამწუხაროა.
"მაგრამ მიმაჩნია, რომ უფრო მნიშვნელოვანი საკითხების გადაწყვეტაა საჭირო. ნაკრები არ არის ცალკე აღებული თემა, ნაკრები ქვეყნის სახეა და საზოგადოებამ უნდა იცოდეს, რომ ფეხბურთშიც უფრო მძიმედ არის სიტუაცია - იგივე უსამართლობები არჩევნებთან დაკავშირებით, არაკომპეტენტურობა, არაპროფესიონალიზმი.
ძირეული ცვლილებებია საჭირო როგორც ქვეყანაში, ისე საფეხბურთო სამყაროში, აქაც ბევრი რამ არის განსახორციელებელი, რასაც სჭირდება პროფესიონალების და კომპეტენტური ადამიანების გუნდი", - განაცხადა მიხეილ ყაველაშვილმა.
საქართველოს საფეხბურთო ნაკრების დატოვების შესახებ კახი კალაძემ საზოგადოებრივი მოძრაობა "ქართულ ოცნების" პრეზენტაციაზე განაცხადა.
interpressnews.ge
ძირეული ცვლილებებია საჭირო და კალაძე ერთ-ერთია, ვინც ამას უჭერს მხარს. გაუმარჯოს! ჯიგარია.
ვარძელაშვილი და სიჭინავა არიან მათ შორის, ვინც აფერხებს ფეხბურთის განვითარებას და მოკეტონ.
დათო, კახაზე სანამ რამეს იტყვი, კარგად უნდა დაფიქრდე, თუ შეგიძლია.