დღეს საქართველოს ჩემპიონი "იბერია სტარი" ევროპის ფუტსალის თასის ელიტრაუნდში ჩაერთვება და მისი პირველი მეტოქე უნგრული "დიორი ეტო" იქნება. ელიტრაუნდში ოთხი ოთხგუნდიანი ჯგუფია, რომელთა გამარჯვებულებიც ფინალურ ოთხეულში გავლენ. ჩვენი, C ჯგუფის მატჩებს პორტუგალია მასპინძლობს.
შეგახსენებთ, "იბერია სტარი" ელიტრაუნდამდე შარშანაც მივიდა და ფინალურ ოთხეულამდე მცირედი დააკლდა. იმედია, ჩვენი ჩემპიონისთვის ეს ევროსეზონი კიდევ უფრო წარმატებული იქნება.
გაგაცნობთ ჩვენი ჯგუფის მატჩების განრიგს:
16 ნოემბერი
იბერია სტარი (საქართველო)-დიორი ეტო (უნგრეთი)
სპორტინგი (პორტუგალია)-ტარგუ მურეში (რუმინეთი)
17 ნოემბერი
ტარგუ მურეში-იბერია სტარი
სპორტინგი-დიორი ეტო
19 ნოემბერი
დიორი ეტო-ტარგუ მურეში
იბერია სტარი-სპორტინგი
"იბერა სტარის" განაცხადი ასეთია:
მეკარეები: ტონი (ბრაზილია), ერნესტ აკოპოვი (სომხეთი), ალექსანდრე ჯამბურია;
მცველები: ედუ, დანიელ საკაი, რომარიო (სამივე – ბრაზილია), ალექსანდრე ძაბირაძე, შოთა კუბლაშვილი;
თავდამსხმელები: ბეტინიო, ლუიშ ბაპტისტა, ბრუნო მელო, ფუტი (ყველა – ბრაზილია), გიორგი ალთუნაშვილი, რონინიო, ვახტანგ წერეთელი, გალაქტიონ ზოიძე, ვახტანგ ჯვარაშვილი.
მთავარი მწვრთნელი: ოლეგ სოლოდოვნიკი (უკრაინა)
განაცხადში ბრაზილიელი რონინიო ქართველებთან ერთადაა მოხსენიებული და ეს შეცდომა არ გეგონოთ – იგი უკვე საქართველოს მოქალაქეა.
ყოველდღიური სპორტული გაზეთი "ლელო"
