4 თებერვალს სპორტკომპლექს "არენაში" საერთაშორისო ამხანაგური მატჩი ჩატარდა: საქართველოს ჩემპიონმა და ევროპის ერთ-ერთმა საუკეთესო კლუბმა "იბერია სთარმა" ბაქოს "ნეფთჩის" უმასპინძლა.მოგეხსენებათ, აზერბაიჯანში ფუტსალი მაღალ დონეზეა განვითარებული. მაგალითისთვის ისიც იკმარებს, რომ ევროპულ რეიტინგში ჩვენი მეზობლების ჩემპიონი ”არაზი" მე-3 ადგილზეა. ”ნეფთჩი" კი აზერბაიჯანის მეორე გუნდი და ”არაზის" ყველაზე სერიოზული კონკურენტია.
ამის გათავლისწინებით, სასიამოვნო იყო მატჩის შედეგი - ჩვენმა ჩემპიონმა 5:3 გაიმარჯვა.
”იბერია სტარი": აკოპოვი - ალთუნაშვილი, ბეტინიო, რონინიო, რომარიო - ძაბირაძე, ბრუნო მელო, ჯვარაშვილი, კუბლაშვილი - ჯამბურია
გოლები: ბრუნო მელო (2), რომარიო, ბეტინიო, რონინიო.
”იბერია" მოედანზე ალიკ სარქისიანმა გაიყვანა, რომელიც მთავარი მწვრთნელის ასისტენტი იყო და გუნდს ახალი თავკაცის დანიშვნამდე გაწვრთნის.
ყოველდღიური სპორტული გაზეთი "ლელო"
