სატრანსფერო ფანჯრის დახურვამდე რამდენიმე საათით ადრე ზურაბ ხიზანიშვილმა ინგლისური ჩემპიონშიპის "რედინგთან" ერთწლიანი საიჯარო ხელშეკრულება გააფორმა. "ბლექბერნში" საქართველოს ნაკრების მცველს სათამაშო პრაქტიკა არ ექნებოდა და ამიტომ მან დროულად უშველა თავს. გასული სეზონის მეორე ნახევარი ზურამ "სამეფო კლუბში" (ასე ეძახიან "რედინგს" ინგლისში) გაატარა იჯარით და თავი ძირითადი შემადგენლობის უცვლელ წევრად დაიმკვირდა. "რედინგს" კვლავ სურდა ხელშეკრულების გაგრძელება, მაგრამ საამისო ფინანსები არ ჰქონდა, ბოლო დღეს კი ყველაფერი შეიცვალა - ტრანსფერი შედგა.

შარშან ხიზანიშვილმა "რედინგში" 15 მატჩი ითამაშა და კლუბის ფანების დიდი სიყვარული მოიპოვა. "ძალიან გახარებულები ვართ, რომ ის დაბრუნდა. ხიზანიშვილი კლუბის კარგი შენაძენია. ქართველი ფანების ფავორიტი ფეხბურთელი იყო გასულ სეზონში", - განაცხადა "რედინგის ბოსმა ბრაიან მაკდერმოტმა. "მან კარგად წარმოაჩინა თავი ბრაიანის გუნდში გასულ სეზონში. მიხარია, რომ ჩემი მოლაპარაკებები ხიზანიშვილის ტრანსფერის თაობაზე "ბლექბენრთან" წარმატებული გამოდგა", - დაამატა კლუბის დირექტორმა ნიკ ჰამონდმა. "რედინგმა" სეზონი ცუდად დაიწყო - 4 თამაშში 5 ქულა დააგროვა.

ლელო