"ჯენოას" პრეზიდენტმა ენრიკო პრეციოზიმ იმ მიზეზებზე ისაუბრა, რის გამოც კახა კალაძემ კარიერის გაგრძელება მის კლუბში გადაწყვიტა. პრეციოზის თქმით, ქართველმა მცველმა "იუვენტუსში" გადასვლა იმიტომ იუარა, რომ არ სურდა, "მილანის" მიერ განხორციელებული სხვა ტრანსფერის ნაწილი გამხდარიყო. შეგახსენებთ, როსონერი ტურინელებისგან ფაბიო გროსოს ყიდვას აპირებდა და სურდა, ამ გარიგებაში ქართველო მცველიც ჩაერთო.

"კალაძეს არ უნდოდა მეორეახრისხოვანი ფეხბურთელის როლში ყოფნა და ჩვენთან ამიტომაც მოვიდა", - განაცხადა პრეციოზიმ.

"ჯენოამ" კახას ორწლიანი კონტრაქტი გაუფორმა. "მილანში" გატარებული ცხრანახევარი წელიწადის განმავლობაში კალაძემ აწ უკვე ყოფილი კლუბის მაისურით 280 მატჩი ჩაატარა. "ჯენოას" შემადგენლობაში დებიუტი კი მას სავარაუდოდ, 12 სექტემბერს, "კიევოს" წინააღმდეგ შეხვედრაში ექნება.