ფოტოზე: 22 წლის ქართველი პელეტონს ბოლოში მოჰყვება, მაგრამ ეს სულ არ ნიშნავს იმას, რომ ფორმაში არაა

დონეცკის "შახტარიდან" მარიუპოლის "ილიჩივეცში" განათხოვრებული დავით თარგამაძის დონეცკურ გრანდში მოულოდნელმა გამოძახებამ ქართველი გულშემატკივრები სასიამოვნოდ გააოცა. ნიჭიერი ფეხბურთელის "შახტარში" გადასვლას ხომ ყველა, მათ შორის დავითიც, სეზონის დასრულების შემდეგ, ზაფხულში ველოდით.

მაგრამ, ფაქტია, თარგამაძეს "შახტარში" უხმეს და თუ გუნდის მთავარი მწვრთნელიინტერნეტკაზინო ლარივინი ესპანურ შეკრებაზე მისი გარჯით კმაყოფილი დარჩება, "ილიჩივეცში" აღარც დააბრუნებს.

22 წლის ქართველის პირველი ვარჯიში "შახტარის" მთავარ გუნდთან ერთად "ჩემპიონატ.კომმა" აღწერა:

დავით თარგამაძე მარიუპოლიდან ბაზაზე, ვარჯიშის დაწყებამდე, სულ ნახევარი საათით ადრე გამოცხადდა. ახალწვეულ ქართველს უმალ "ახალგაზრდა მებრძოლის კურსის" გავლა მოუხდა. მხიარულმა ბრაზილიელებმა, სანამ ძუნძულს დაიწყებდნენ, ქართველს "კვადრატში" ბურთის ართმევა დააკისრეს. ბრაზილიელები "მსხვერპლს" ფინტაობითა და ლაზღანდარობით ეთამაშებოდნენ, თუმცა თარგამაძემ არაფერი დათმო და სულ მალე ბურთიც აართვა.

"შახტარის" სხვა ფეხბურთელების ფონზე დავითი პატარა და გამხდარი ჩანდა. ძუნძულის დროს თარგამაძე პელეტონში მაჩანჩალა იყო, თუმცა ეს სულ არ ნიშნავს, რომ ქართველი ფეხბურთელი ცუდ ფორმაშია.

თარგამაძეს "შახტარში" სწორედ იმისთვის უხმეს, რომ ესპანურ შეკრებაზე მირჩა ლუჩესკუს მისი შესაძლებლობების უკეთ გაცნობის საშუალება მიეცეს.