მცირე ხნის წინ, "ლელო" წერდა, რომ საქართველოს ეროვნული ნაკრების წევრმა ბუბა (მურთაზ) დაუშვილმა "კარპატისთან" ზაფხულში კონტრაქტი რომ გააფორმა, მისი ყოფილი კლუბი "ზესტაფონი" კომპენსაციის სახით 360 ათას ევროს, ანუ 472 330 დოლარს მიიღებდა.

მართალია, კონტრაქტის დასრულების შემდეგ 21 წელს გადაცილებული ფეხბურთელი თავისუფალი აგენტი გახდა, მაგრამ ხელშეკრულება 21-წლამდე გააფორმა, კლუბი კი 23 წლამდე (22 წლისამ) დატოვა და ახალი კლუბი ვალდებული იყო, დაუშვილის გამზრდელი კლუბისთვის კომპენსაცია გადაეხადა - "ზესტაფონს" კი ამ ბიჭზე მართლაც დიდი ამაგი აქვს და ბუბა ამას ყოველთვის ამბობდა.

რაც უნდა დაუჯერებლად გეჩვენოთ, ბუბა დაუშვილი ლვოვის "კარპატისთვის" ყველაზე ძვირადღირებული შენაძენი ყოფილა.

1. მურთაზ დაუშვილი 360.000
2. სერგეი კოვალჩუკი 250.000
3. სერგეი კიზნეცოვი 200.000
4. მარტინ ბოგატინოვი 150.000
5. მაციე ნელეპა 150.000
* თანხები მოცემულია ევროებში

ყოველდღიური სპორტული გაზეთი "ლელო"