თურქულ შეკრებაზე ქუთაისის "ტორპედომ" ბოლო შეხვედრა ითამაშა - ლუგანსკის "ზარიასთან" 1:3 დამარცხდა.უკრაინელები 34-ე წუთზე ტონი შუნიჩმა დააწინაურა, 51-ე წუთზე კი "ტორპედოს" მეორე გოლი ჯაბა ლიპარტიამ გაუტანა 11-მეტრიანით. მესამედ ქუთაისელები მიხალო ცაკიჩმა დაამწუხრა 66-ე წუთზე, სხვაობა კი დავით ჯანელიძემ შეამცირა ხუთი წუთის შემდეგ - გიორგი გურულის მიერ მოპოვებული პენალტი უნაკლოდ შეასრულა.
რიონისპირელებს ორი წამყვანი მოთამაშე აკლდათ ტრავმის გამო: დავით დიღმელაშვილი და დავით გამეზარდაშვილი.
"ტორპედო": მიგინეიშვილი - რიგვავა(დოლიძე 54), კვახაძე(შერგელაშვილი 46), ფარულავა(მირცხულავა 46), გურული - გ.დათუნაიშვილი (ვ.ბოლქვაძე 64), კუხიანიძე(ლემონჯავა 54), თარხნიშვილი(ქუცურუა 66) - იოსელიანი(კემუხტაშვილი 64), საბანაძე(რეხვიაშვილი 66) - გოცირიძე(დ.ჯანელიძე 46).
"ტორპედოს" და "ზარიას" ვებგვერდების ცნობით, ქუთაისელები ეპიოზიდებში ურიგოდ როდი უტევდნენ მეტოქეს და რამდენიმე სახიფათო მომენტიც შექმნეს. უკრაინელთა საიტს თუ დავეყრდნობით, "ზარიას" ამ შეხვედრაში ყველაფერი კარგად გამოსდიოდა.
"ტორპედო" სამშობლოში 5 თებერვალს დაბრუნდება.
ყოველდღიური სპორტული გაზეთი "ლელო"
