დავით ყიფიანის სახელობის საქართველოს თასის გათამაშების მეოთხედფინალის საპასუხო მატჩები გაიმართა. შედეგად, გათამაშების ნახევარფინალებში ბრძოლას "მეტალურგი", "დილა" და "გაგრა" გააგრძელებენ. მეოთხე გუნდის ვინაობა მოგვიანებით "ზესტაფონი"-"ტორპედოს" მატჩში გაირკვევა.თბილისის "ვიტ ჯორჯიამ" "მცხეთა პარკზე" რუსთავის "მეტალურგი" მიიღო და 1:2 დამარცხდა. პირველ მატჩში რუსთაველებმა 1:0 მოიგეს.
გორის "დილამ" შინ ზუგდიდის "ბაიას" 5:2 მოუგი (პირველი მატჩი 2:2), მარტვილის "მერანმა" კი "გაგრას" ორი უპასუხო გოლი გაუტანა, თუმცა პირველ მატჩში განცდილი მარცხისთვის (0:4) რევანშის აღება ვერ შეძლო.
