"ვალენსიას" და "ლივერპულის" ყოფილმა თავკაცმა რაფაელ ბენიტესმა "ბარსელონას" მთავარ მწვრთნელ ხოსეპ გვარდიოლას მუშაობაზე ისაუბრა.ბენიტესის აზრით, გუნდის ბოლოდროინდელ წარმატებებში კატალონიელთა თავკაცის დამსახურება შეუფასებელია.
"გუნდის მიერ ბოლო წლებში მიღწეულ წარმატებებში გვარდიოლას წვლილი უდიდესია. დიდების მწვერვალზე დარჩენა გაცილებით რთულია, ვიდრე მისი მიღწევა.
შეიძლება ამა თუ იმ მომენტში გაიმარჯვო, მაგრამ მუდმივად წარმატება?…
ეჭვგარეშეა, რომ "ბარსას" წარმატებაში მისი დამსახურება უდიდესია", - განაცხადა ბენიტესმა.
