ესპანეთის ნაკრების მთავარმა მწვრთნელმა ვისენტე დელ ბოსკემ "შალკეს" თავდამსხმელის რაულის კარგ ფორმაში ყოფნა აღნიშნა.ესპანელთა თავკაცის თქმით, ევრო-2012-ისთვის ეროვნული გუნდის განაცხადში მოსახვედრად შანსი ყველას მიეცემა.
შეგახსენებთ, რომ რაულმა ნაკრებში გამოსვლა 2006 წელს შეწყვიტა.
"მე და რაული ერთმანეთს დიდი ხანია ვიცნობთ. დღეს ის ბრწყინვალე ფორმაში იმყოფება. განაცხადში მოხვედრის საკითხზე რომ ვისაუბროთ, შანსი ყველას ექნება და არც რაულია გამონაკლისი. ამასთან ერთად, ევროპის ჩემპიონატის დაწყებამდე შესაძლოა ზოგიერთ ფეხბურთელს ჯანმრთელობის პრობლემები გაუჩნდეს", - განაცხადა დელ ბოსკემ.
მომზადებულია Marca-ს მიხედვით
