დორტმუნდის "ბორუსიის" აღმასრულებელმა დირექტორმა ჰანს-იოახიმ ვატცკემ მიუნხენის "ბაიერნის" პრეზიდენტ ული ჰიონესის სიტყვებზე ისაუბრა.ჰიონესმა განაცხადა, რომ მიუნხენელებმა ბოლო 20 წლის განმავლობაში ბუნდესლიგის 15 კლუბი გადაარჩინეს. გადარჩენილთა შორის მან დორტმუნდის "ბორუსიაც" დაასახელა. კერძოდ, ჰიონესმა აღნიშნა, რომ მისმა კლუბმა თავის დროზე დორტმუნდელებს 2 მილიონი ევრო ასესხა, ამასთან არავინ იყო დარწმუნებული, რომ "ბაიერნი" ამ თანხას დაიბრუნებდა.
"ჩემთვის გასაკვირი იყო, რომ ჰიონესმა ეს საჯაროდ განაცხადა. ეს ხომ 8 წლის წინ მოხდა. მაგრამ ის, რაც მან თქვა, სიმართლეა", - თქვა ვატცკემ.
