მიუნხენის "ბაიერნის" ყოფილმა ნახევარმცველმა მარიო ბასლერმა გელზენკირხენის "შალკეს" თავდამსხმელი რაული შეაქო.ბასლერი მიიჩნევს, რომ გელზენკირხენელთა ხელმძღვანელობამ ყველაფერი უნდა იღონოს, რათა ესპანელი ფეხბურთელი გუნდში შეინარჩუნოს.
"რაულის თამაშს ვაკვირდები და გულშემატკივარი ვხდები. მისი თამაშისგან დიდ სიამოვნებას იღებ. რაულის მოედანზე თამაშისგან უფრო დიდ სიამოვნებას ვიღებ, ვიდრე შიშველი ჰაიდი კლუმის (გერმანელი მოდელი და მსახიობი) დანახვისგან. ასე რომ, "შალკეს" მენეჯერმა ჰორსტ ჰელდტმა რაული გუნდში ნებისმიერ ფასად უნდა შეინარჩუნოს", - განაცხადა ბასლერმა.
