ტურინის "იუვენტუსმა" საჩემპიონთალიგო განაცხადი გამოაქვეყნა. საოცარი ამბავია – "ბებერი ქალბატონის" განაცხადში ადგილი თვით ჯანლუიჯი ბუფონს არ მოეძებნა. თუმცა, ყველაფერი გასაგებია – ზამთარში განაცხადებში კორექტივების შეტანაა დაშვებული, ხოლო იქამდე კი ჯიჯის მკურნალობა მოუწევს, რადგან მსოფლიოს ჩემპიონატზე მიღებული ტრავმა ჯერაც მოუშუშებელია.

ბუფონისგან განსხვავებით, ალბერტო აკვილანი და ფაბიო კვალიარელა განაცხადში ვერც ზამთარში მოხვდებიან, რადგან პირველმა "ლივერპულში" მოასწრო თამაში, ხოლო მეორემ – "ნაპოლიში", უეფას წესებით კი, ფეხბურთელს საევროთასო სეზონში მხოლოდ ერთი კლუბის ღირსების დაცვის უფლება აქვს.

სამაგიეროდ, კიდევ ორი ახალბედა განაცხადშია და ჩემპიონთა ლიგის ჯგუფურ ეტაპზეც ითამაშებს. ესენი არიან ლეანდრო რინაუდო და ფრანგი არმან ტრაორე.