"ალ ვასლის" მთავარმა მწვრთნელმა დიეგო მარადონამ ფეხბურთის მეფე პელეს სიტყვებზე ისაუბრა.შეგახსენებთ, რომ პელეს თქმით, "ბარსელონას" თავდამსხმელ ლიონელ მესის მასთან შედარება არ შეიძლება.
ლეგენდარულმა ბრაზილიელმა განაცხადა: "მოდით მან ჯერ 1283 გოლი გაიტანოს და სამი მსოფლიოს ჩემპიონატი მოიგოს. ამის შემდეგ ვილაპარაკოთ".
ამას გარდა, პელემ აღნიშნა, რომ ის თავით შესანიშნავად თამაშობდა და ბურთს ორივე ფეხით ერთნაირად ურტყამდა.
"როგორც ჩანს, მის გადაწყვეტილებებზე ასაკი მოქმედებს. მაგრამ პელე უკვე 20 წელია არაფერს აკეთებს. მაგალითად, მას სუპერმარკეტში ვერ შეხვდებით. ერთადერთი ადგილი, სადაც მისი დანახვა შეიძლება, ფიფას დაჯილდოების ცერემონიაა. აქ ის მუდამ ფიფას პრეზიდენტის უკან დგას.
პელე დისტანციური მართვის თოჯინის შთაბეჭდილებას ტოვებს. იმისთვის, რათა დიდ ფეხბურთელად მიგიჩნიონ, არ არის საჭირო ამდენი გოლი გაიტანო და მუნდიალები მოიგო", - განაცხადა მარადონამ.
