დასასრულს მიუახლოვდა ზამთრის სატრანსფერო სეზონი, რომელიც დიდად გამორჩეული ვერ გამოდგა. თუმცა, როგორც ხშირად ხდება, საინტერესო ტრანსფერები ფანჯრის დახურვის უკანასკნელ დღეს ხდება ხოლმე, ასეთი დღე კი დღესაა ევროპაში. საინტერესოა, სად როდის იხურება ფანჯარა, სხვადასხვა ევროპულ ქვეყანაში ეს სხვადასხვა დროს მოხდება. ასე მაგალითად, იტალიაში ფანჯარა დღეს შუაევროპული დროით, 19 საათზე იხურება (22 საათზე საქართველოს დროით), მაშინ როცა გუნდებს ესპანეთში, საფრანგეთში, გერმანიაში, ჰოლანდიაში და ინგლისში კიდევ სამი საათი აქვთ დრო, პორტუგალიაში კი კიდევ ერთი საათით მეტი.
საინტერესო ამბები შეიძლება მოხდეს, ასე მაგალითად, თუ ტიაგო მოტა "ინტერიდან" წავა, მილანურ კლუბს სხვა ნახევარმცველი უთუოდ დასჭირდება, მაგრამ შეიძლება ვერც მოასწროს შეძენა, თუკი მოტა პსჟ-ში 19 საათის მერე გადავა.
ყოველდღიური სპორტული გაზეთი "ლელო"
