ამერიკული პრესის ინფორმაციით, "მინესოტას" ვარსკვლავურმა ფორვარდმა, 23 წლის კევინ ლავმა ახალი, ოთხწლიანი კონტრაქტი გააფორმა თავის ამჟამინდელ კლუბთან. 2008 წლის დრაფტის მეხუთე ნომრის ჯამური ხელფასი 60 მილიონი დოლარი იქნება."ძალიან მიხარია კევინ ლავის გამო. მან შეძლო მოეპოვებინა ფინანსური სტაბილურობა. იმედი მაქვს, ეს დაეხმარება მას მხოლოდ კალათბურთზე იფიქროს და მეტი სარგებლობა მოუტანოს გუნდს. ჩვენი გადაწყვეტილება ხაზს უსვამს იმას, რომ ბოლო დროს "მინესოტა" სწორი მიმართულებით მიდის", - კომენტარი გაუკეთა გარიგებას "მინესოტას" საკალათბურთო ოპერაციების ხელმძღვანელმა დევიდ კანმა.
* * *
გუშინ, კიდევ ერთი კალათბურთელის ახალი კონტრაქტის შესახებ გამოაცხადეს. "დენვერმა" ხელშეკრულება გააუხანგრძლივა იტალიელ ფორვარდს დანილო გალინარის.
ახალი ხელშეკრულება 2016 წლის ბოლომდე იქნება ძალაში, - წერს NBA-ის ოფიციალური ვებგვერდი. 23 წლის იტალიელი მომავალი ოთხი წლის განმავლობაში 42 მილიონ დოლარს გამოიმუშავებს.
ყოველდღიური სპორტული გაზეთი "ლელო"
