მეტწილად ბერძნები იყვნენ, მაგრამ მასპინძლებმა მთავარი პრიზის მოპოვება ვერ შეძლესსალონიკიში გუშინ დამთავრდა მოჭადრაკეთა საერთაშორისო ტურნირი "კალამარია 2010" 10 ქვეყნის 68 წარმომადგენლის მონაწილეობით. მეტწილად ბერძნები იყვნენ, მაგრამ მასპინძლებმა მთავარი პრიზის მოპოვება ვერ შეძლეს. პირველი ადგილი სომეხმა ზავენ ანდრიასიანმა დაიკავა. ბოლო ტურში იგი ბულგარელ იულიან რადულსკის დაუზავდა, 9 შესაძლებლიდან 7 ქულა მოაგროვა და სხვებისთვის მიუწვდომელი გახდა. ლიდერთა ჯგუფის დანარჩენ წევრთა პარტიები ასე დამთავრდა: იური დროზდოვსკი (უკრაინა)-ათანასიოს მასტროვასილისი (საბერძნეთი) 1:0, სუათ ატალიკი (თურქეთი)-ანტონიოს პავლიდისი (საბერძნეთი) 1:0, ნატალია ზდებსკაია (უკრაინა)-დიმიტრიოს მასტროვასილისი (საბერძნეთი) 0:1, იოანის ნიკოლაიდისი (საბერძნეთი)-ვეიჰ ბაღდასარიანი (სომხეთი) 1:0, ვალენტინ იოტოვი (ბულგარეთი)-აჩილიას სპირლიდიასი (საბერძნეთი) 1:0, ეკატერინი ფახირიდუ (საბერძნეთი)-იოვიცა რადოვანოვიჩი (სერბეთი) 1:0. მეორე-მესამე ადგილებზე 6,5-6,5 ქულით ატალიკი და დროზდოვსკი გავიდნენ. ნიკოლოზ შავთვალაძემ მასპინძელი ასიმენიოსი დაამარცხა და ტურნირი 5,5 ქულით დაასრულა. ქალებში 6 ქულით პირველობა ყოფილ თბილისელ ფახირიდუს ერგო.