რუსეთის მოჭადრაკე ქალთა მე-60 ეროვნულ ჩემპიონატში გუშინ მე-8 ტურის პარტიები გათამაშდა. კვლავ გაგვახარა ქართველმა დიდოსტატმა ნაზი პაიკიძემ, რომელმაც შავი ფიგურებით ელენა ზაიაცი დაამარცხა და 6,5 ქულით ერთპიროვნულად დაწინაურდა, რადგან 5,5-ქულიანი სვეტლანა მატვეევა ტატიანა შადრინას დანებდა. დაზავდნენ ვერა ნებოლსინა და მარინა რომანკო. 6 ქულით მეორე ადგილზეა შადრინა, რომელიც ბოლო ტურში შავებით პაიკიძეს ეთამაშება. 5,5-5,5 ქულით მესამე-მეხუთე ადგილებს რომანკო, მატვეევა და ოლგა გირია იყოფენ. რუსეთის ჩემპიონის ტიტულის მოსაპოვებლად ჩვენებურს ნახევარი ქულაც ჰყოფნის.